Connect with us

Hi, what are you looking for?

Kategoria Superiore

Nënshtetësia e Cobbinah, Rama akuzon Metën: I bëri gol me kokë drejtësisë

Disa javë më parë Presidenti i Republikës, Ilir Meta i dha nënshtetësinë shqiptare sulmuesit ganez të Tiranës, Winful Cobbinah, i cili është pjesë e klubit kryeqytetas që prej verës së 2018-ës.

Ky akt shkaktoi debate të shumta, pasi media të caktuara akuzuan Presidentin Meta se ka shkelur Kushtetutën, që parashikon dhënien e nënshtetësisë jo më herët sesa 5 vite qëndrimi në Shqipëri, ndërsa vetë institucioni i Presidencës paraqiti argumentet e saj mbrojtëse për këtë çështje.

Së fundi në debat është përfshirë edhe kryeministri i Shqipërisë, Edi Rama, që në një status në Twitter akuzoi presidentin se “i ka bërë gol me kokë drejtësisë”, duke pajisur me pasaportë shqiptare një person që ishte nën hetim për falsifikim dokumentesh.

“Ilir Meta ka lidhje me Kushtetutën sa ç’ka lidhje me Topin e Artë ai futbollisti afrikan që mori pasaportën shqiptare për 8 orë nga Iliri, ndërkohë që ishte nën akuzë në Shqipëri për falsifikim dokumentesh! Të dy bashkë po, e kanë një lidhje: I kanë bërë gol me kokë drejtësisë”, shkruan Rama në rrjetin social.

Lajme të tjera

Legjionarët

Moment i vështirë për Armando Brojën. Sulmuesi shqiptar mori ftesë nga Sylvinho për t’u grumbulluar me kuqezinjtë për miqësoret e muajit mars, por pavarësisht...

Kombëtare

Sulmi është reparti që i ka shtuar më së shumti telashet trajnerit Sylvinho në prag të Euroianit të Gjermanisë, pasi thuajse të gjithë futbollistët...

Kombëtare

Sylvinho publikoi sot listën e lojtarëve që do të përfaqësojnë kombëtaren shqiptare në dy miqësoret përballë Kilit dhe Suedisë. Të programuara për datat 22...

Legjionarët

Ernest Muçi ka shënuar golin e dytë me fanellën e Besiktas. Sulmuesi kuqezi shndërroi në gol një pasim të Milot Rashicës, i cili shërbeu...