Kombëtarja e Gjermanisë, kampione e Botës në fuqi, dallohet për disiplinën e hekurt dhe sjelljen tepër korrekte të futbollistëve në fushë, por ky “mit” është rrëzuar në prag të “Rusi 2018”. Gjatë stërvitjes së “Pancerave” ka patur një përplasje të fortë fizike mes Joshua Kimich dhe Antonio Rudiger, për një dueli të ashpër mes tyre, aq sa është dashur ndërhyrja e pjesëtarëve të stafit, veçanërisht e Miroslav Kloses për të shmangur precipitimin e mëtejshëm të situatës.
Edhe Juian Draxler qëndroi për disa minuta në tokë, pasi mori një goditje më bërryl, por për mbrojtësin me shumë eksperiencë Mats Hummels, bëhet fjalë vetëm për një luftë të fortë sportive mes futbollistëve për vendin e titullarit. Të jetë vetëm kaq? Gjermania kampione e botës, është në grupin F në turneun e kësaj vere, së bashku me Meksikën, Korenë e jugut dhe Suedinë.