Te Paris Saint Germain ligjin e bën Neymar Jr. Sipas asaj që raportojnë media të ndryshme sulmuesi brazilian u ka kërkuar drejtuesve të klubit shitjen e Edinson Cavanit. Neymar dëshiron të ketë në skuadër një tjetër uruguian pikërisht ish shokun e tij të skuadrës te Barcelona, Luis Suarez dhe për të arritur te El Pistolero i ka kërkuar klubit parizien të sakrifikojë El Matador. Raportet e Neymar me Cavanin janë prishur prej kohësh dhe kjo është një nga arsyet që braziliani nuk dëshiron ta ketë më në skuadër Cavanin. Për ish lojtarin e Palermos ka shfaqur interes Napoli me trajnerin Carlo Ancelotti por edhe të gjithë tifozët e kaltër që do të ishin shumë të kënaqur ta kishin sërish në skuadër Cavanin.
