Neymar jr po jeton orët e fundit si lojtar i Barcelonës. I rikthyer në Spanjë, pas udhëtimit në Kinë për arsye marketingu dhe ndalesës në Dubai, 25-vjecari i paraqit rreth orës 9:00 të kësaj të mërkure në qendrën stërvitore të Barcelonës, por nuk iu bashkua skuadrës në stërvitje. Pak minuta më pas u largua nga klubi, teksa u kishte komunikuar shokëve të skuadrës kalimin te PSG. Ky fakt u konfirmua nga vetë klubi katalan nëpërmjet një postimi në Twitter, ku raportohet se Neymar i kishte përshëndetur futbollistët, duke u thënë se do të largohej nga Barcelona.
Sipas El Mundo Deportivos, një media shumë pranë Barcës, zyrtarizimi i këtij transferimi, që për nga shifrat do të jetë më i shtrenjti në historinë e futbollit, madje duke tejkaluar cdo fantazi, do tw bwhet kwtw tw enjte.
Parizienët do t’i paguajnë plot 222 milionë euro klubit katalan, që është edhe klauzola e largimit.
Nga rrjetet sociale vjen një tjetër postim mjaft domethënës i Ëanger Riberio, menaxheri i brazilianit dhe babait të Neymar.
Një foto e kullës Eiffel shoqëruar me komentin: Parisi është i mrekullueshëm. Kulla Eiffel, ushqimi dhe futbolli!