Sokol Neziri, kapiteni i Kastriotit, ashtu sikurse trajneri Çela, qëndroi me këmbë në tokë në deklaratën në “Gol pas Goli”, duke këmbëngulur se skuadra krutanë duhet të mendojë vetëm për mbijetesën.
“Ishte një ndeshje që kam vuajtur më shumë. Kukësi shumë i fortë, me shumë mundim dhe forcë ia dolëm falë Zotit”.
Mendoni se e keni siguruar mbijetesën dhe mund të pretendoni diçka më shumë?
Duhet ta pranojmë që objektivi është qëndrimi në Superiore, tani jemi më të qetë, por në këtë moment, ndeshjet duhet t’i marrim një e nga një, të luajmë fort siç kemi bërë deri tani. Nuk mund ta ulim ritmin.
Cila është skuadra që që do të doje të shpëtonte, sigurisht pasi të ketë arritur objektivin Kastrioti?
Pyetje e vështirë, por duke parë grupin dhe ecurinë, më vjen keq për Dinamon.
