I emëruar në verë në krye të Genoas, për ta ndihmuar skuadrën që të arrijë rezultatet e duhura, madje me lojë të bukur, Aurelio Andreazzoli nuk ka mundur t’i fusë marshin e duhur ekipit gjenovez. Pauza e kampionatit për shkak të ndeshjeve eliminatore të Euro 2020 mund të sjellë shkarkimin e tij nga detyra.
Sipas “Corriere dello Sport”, mes emrave në garë për të pasuar Andreazzolin është Davide Nicola (mbetet në pritje të një oferte pas përfundimit të eksperiencës së tij tek Udinese). Si alternativa spikatin edhe emrat e Stefano Pioli (i përfolur edhe për stolin e Sampdorias, Claudio Ranieri dhe Francesco Guidolin.