Me Mikel Artetan në stolin e Arsenalit e ardhmja e Shkodran Mustafit ndryshon rrënjësisht në harkun e pak ditëve. Nga një i padëshiruar në liderin e ri të mbrojtjes. Me spanjollin në stol futbollisti me origjinë shqiptare është shndërruar në një futbollist shumë të rëndësishëm për Arsenalin dhe Mustafi siç e konfirmon edhe vetë Arteta do të qëndrojë te topçinjtë edhe për sezonin e ardhshëm.
“Është diçka që klubi duhet të zgjidhë, por ai e di mendimin tim. Jam shumë i lumtur me të, siç mund ta shihni. Mënyra se si po luan, përkushtimi në gjithçka që po tentojmë të bëjmë, niveli i paraqitjeve në çdo tre apo katër ditë ndeshje. Ai ka qenë shumë stabël në lojën e tij”, u shpreh tekniku spanjoll.