“Shkëdijën” e dha në një emision sportiv ish-futbollisti i Milanit, Daniele Massaro, sipas të cilit Mauro Icardi sezonin e ardhshëm do të luajë te Reali i Madridit, ndërkohë që nga Spanja e përforcojnë më shumë këtë ide. Largimi i mundshëm i Gareth Bale, por edhe efikasiteti i ulët i Karim Benzema “ushqejnë” zërat për ndryshime thelbësore në formacionin e “Los Blancos”. Sulmuesi argjentinas i Interit mësohet se është objektivi kryesor i presidentit Florentino Perez, por jo vetëm. Edhe lojtari belg i Manchester City, Kevin De Bruyne, ka hyrë në listën e dëshirave të Realit të Madridit. Sipas mediave të ndryshme angleze, klubi madrilen është gati të bëjë një investim të madh për 26-vjeçarin në verë të 2018-tës. Mesfushori mban veshur fanellën e “Cityzens” që prej vitit 2015 dhe në 73 ndeshje ka realizuar 16 gola.