Connect with us

Hi, what are you looking for?

Futboll

Nga kualifikimet europiane, te sukseset në kampionate/ Rekordet e trajnerit Ilir Daja!

Titulli i fituar në Kosovë me Ballkanin është një tjetër sukses i Ilir Dajës që konfirmon absolutisht vlerat e tij si trajner. Lojtarët e Ballkanit e festuan plotësisht triumfin ndaj Ferizajt, që i konfirmoi si kampionë të Kosovës për të dytën herë radhazi, por është një sukses që mbart vlera të mëdha edhe për Ilir Dajën, që fiton kampionatin e pestë në karrierën e tij si trajner.

Tekniku kryeqytetas e fitoi titullin e parë me Elbasanin në 2006, për të vijuar me suksesin tek Dinamo në 2008, me Skëndërbeun në 2018 dhe së fundmi dy titujt e fituar radhazi me Ballkanin në kampionatin kosovar. Një karrierë e “çmendur”, e mbushur me lavdi dhe trofe si për të sinjalizuar që ai mbetet një nga trajnerët më të suksesshëm shqiptar të 20 viteve të fundit.

Lexo edhe:

Për të pasuruar koleksionin e tij të gjerë tanimë, shërbejnë edhe kualifikimet në kompeticionet e rëndësishme europiane. Në 2017, Daja e kualifikoi Skëndërbeun në Europa League, pas një rrugëtimi të gjatë dhe sfidues ku më pas në play-off eliminuan një skuadër gjigande si Dinamo Zagreb. Dhe në fillimin e këtij edicioni futbollistik, Ilir Daja i mundësoi suksesin më të madh Ballkanit në Kupat e Europës, duke kualifikuar për herë të parë një skuadër kosovare në skenën elitare të kontinentit, në Conference League.

Një kompeticion ku nuk munguan paraqitjet dinjitoze, nga ku Ballkani u largua me dinjitet. Të gjithë këto suksese të Ilir Dajës, të shtrirë në një karrierë thuajse 20-vjecare plotësojnë më së miri një mozaik të plotë dhe të konsoliduar të teknikut kryeqytetas se si duhet të duket imazhi i një trajneri ideal që në cdo skuadër dhe në cdo ambient ka ditur të sjellë me vete fitoret, lojën e bukur dhe lavdinë.

Lajme të tjera

Merkato

Antonio Conte e kishte një nga dëshirat e merkatos dhe presidenca e Napolit ia ka plotësuar. Alessandro Buongiorno është futbollisti më i ri i...

Premier League

Një tjetër futbollist shqiptar në Premier League. Futbollisti kuqezi, Matteo Dashi, do të jetë pjesë e skuadrës së parë të Crystal Palace duke nisur...

Merkato

Mehdi Taremi është zyrtarisht sulmuesi i ri i Interit. Kampionët e Italisë kanë prezantuar 31-vjeçarin iranian, i cili vjen si lojtar i lirë nga...

Merkato

Milani ka zgjedhur t’i besojë trajnerit Paulo Fonseca stolin për sezonin e ardhshëm, por merkatoja nuk ka nisur të nxehet ende, teksa kjo ka...