Connect with us

Hi, what are you looking for?

Katar 2022

Nga pasardhësi i Nunez në ylli e ri të Portugalisë, kush është 21-vjeçari që la CR7 në stol

Cristiano Ronaldo i nisi si titullar tri takimet e fazës së grupeve në Botërorin e Katarit, ndërsa në përballjen e raundit të 1/8-ve përballë Zvicrës, trajneri Fernando Santos preferoi një 21-vjeçar në vendin e sulmuesit të famshëm.

Gonçalo Ramos po luan për herë të parë në një Kupë Bote, ndërkohë që deri përpara fillimit të kompeticionit nuk kishte luajtur asnjë takim zyrtar me luzitanët. Sulmuesi i Benfikës realizoi tre gola ndaj Zvicrës, duke qenë protagonisti kryesor i suksesit 6-1.

 

Ramos është talenti i radhës që del nga Benfika, që në verë shiti Darwin Nunez te Liverpooli për 75 milionë euro (+25 si bonuse). Trajneri gjerman i “Shqiponjave të Lisbonës”, Roger Schmidt i besoi lojtarit nga Olhao dhe Benfika e Portugalia kanë fituar një fenomen të ri.

Në fillimet e karrierës luante si mesfushor i avancuar, por sot Ramos është kthyer në një qendërsulmues modern, që vrapon, driblon dhe shënon gola. Deri në këtë fazë të sezonit numëron 14 gola dhe 6 asiste me skuadrën kryeqytetase, duke zhvilluar paraqitje fantastike edhe në Champions League, turne ku Benfika e mbylli në vend të parë grupin me PSG-në dhe Juven.

 

Këto statistika ndikuan që Santos ta merrte me vete në Kupën e Botës. Ramos debutoi me gol në Kombëtare në miqësoren ndaj Nigerisë, u fut si zëvendësues ndaj Ganës dhe Uruguait për të mbërritur te tregolëshi ndaj Zvicrës.

21-vjeçari ndodhet në ëndërr dhe shpreson që të zgjasë sa më shumë ky moment fantastik. Tifozët e Cristiano Ronaldos janë trishtuar për faktin që kapiteni humbi postin e titullarit, por Ramos i dha të drejtë teknikut Santos, të cilit ia shpërbleu besimin me gola.

Lajme të tjera

Kategoria Superiore

Big Brother Mania edhe në mbrëmjen gala “Më të mirët 2022”, që organizohet nga FSHF dhe Digitalb, dhe që po transmetohet në SportNews, teksa...

Segunda Division

Myrto Uzuni rikthehet vrullshëm. Pas dy ndeshjes mungesë për shkak dëmtimi, sulmuesi i Kombëtares Shqiptare është rikthyer titullar në sfidën Granada-Andorra dhe ka shënuar...

Eliminatore

Pasi mbylli aventurën me Portugalinë, tashmë trajneri Fernando Santos është prezantuar te Polonia. Tekniku portugez do ë provojë të polakët në Europianin e vitit...

Futboll

El Mundo Deportivo ka zbuluar një prapaskenë interesante që ka lidhje me Cristiano Ronaldon dhe Leo Messin. Sulmuesi portugez ishte ende pjesë e Real...