Tjetër hap i gabuar i Shkëndijës së Tetovës në Superligën e Maqedonisë. Pas barazimit 2-2 në sfidën hapëse të kampionatit me rivalin më të fortë, Vardarin e Shkupit, kuqezinjtë tetovarë barazuan 0-0 në transfertë me Makedonija GP.
Duket qartë që impenjimi në Champions League ka ndikuar shumë në gjendjen fizike të ekipit të drejtuar nga Qatip Osmani, që ndoshta kërkon kohë për të hyre në rrjedhën e javëve të Superligës së Maqedonisë. Edhe Shkupi mori të njëjtin rezultat me Pobedan në shtëpi. Me vetëm 2 barazime në po kaq ndeshje Shkëndija dhe Shkupi renditen respektivisht në vendet 6 dhe 7. Kryeson Akademija Pandev si skuadra e vetme që ka marrë pikë të plota në dy javët e para.