Connect with us

Hi, what are you looking for?

Featured

“Ngushtohet rrethi”, cilët janë 4 kandidatët për stolin e Kombëtares Shqiptare

Kombëtarja Shqiptare është ende pa një trajner, pasi italianit Edi Reja i skadoi kontrata në fund të nëntorit dhe duket se në Federatën Shqiptare të Futbollit kanë vendosur të mos i ofrojnë më rinovimin.

Prej ditësh institucioni drejtues i futbollit në vend ka nisur punën për të gjetur një trajner të ri për kuqezinjtë, teksa emrat e përfolur dhe kontaktuar janë të shumtë, e disa prej tyre edhe të bujshëm.

Megjithatë SuperSport mëson se rrethi i kandidatëve është ngushtuar në 4 emra, të cilët po studiohen me imtësi dhe shumë shpejt pritet që stoli kuqezi t’i besohet njërit prej tyre.

Por cilët janë emrat në listë?

Massimo Oddo
I vetmi italian i mbetur ende në garë është ish-mbrojtësi i Milan, Massimo Oddo. 46-vjeçari ëshë i papunë nga qershori i këtij viti, pasi aventura me Padova-n zgjati shumë pak, vetëm 8 ndeshje.

Emri i ish-kampionit te botës me Italinë në vitin 2006 ndoshta sjell pak kujtime si trajner, por e kaluara si futbollist është për t’u respektuar.

Oddo ka luajtur për skuadra të ndryshme në Itali si,Napoli, Lazio, Verona, Lecce, por kulmin e kishte në sezonin 2006-2011 me Milan, ekip me të cilin fitoi gjithçka, pa harruar edhe një huazim një vjeçar te Bayern Mynih.

Eksperiencën e parë si trajner dhe njëkohësisht më jetëgjatën, Oddo e regjistron në maj të 2015-ës në stolin e Pescarës, ku drejtoi për plot 80 ndeshje.

Gjithashtu ai ka drejtuar ekipe të tjera si, Udinese, Crotone, Perugia dhe së fundmi Padova, ndërsa në horizont, Shqipëria mund të jetë eksperienca e tij e parë në drejtimin e një përfaqësueseje.

Sylvinho
Ish-mesfushori i njohur brazilian, Sylvinho është një tjetër kandidat. Si futbollist, 48-vjeçari ka pasur një karrierë të shkëlqyer, duke veshur fanellat e klubeve si Corinthias, Arsenal, Celta Vigo, Barcelona e Manchester City, ndërsa prej 2011-ës ka varur këpucët në gozhdë, për t’iu përkushtuar trajningut.

Eksperienca e parë si trajner ishte ajo e ndihmësit të Tites te Corinthias, ndërsa në dhjetor të 2014-ës u transferua në Milanon zikaltër, për të bërë ndihmësin e Roberto Mancinit në pankinën e Interit. Më 2016-ës u bë sërish krahu i djathtë i Tites, këtë herë në përfaqësuesen e Brazilit, ndërsa në 2019-ën provoi eksperiencën e parë si trajner i parë i një klubi të njohur.

Ishin francezët e Lyonit ata që i besuan pankinën, por eksperienca në Ligue 1 zgjati pak për Sylvinhon, që u shkarkua në tetor të 2019-ës, vetëm 4-5 muaj pas emërimit. Më pas, në maj të 2021-shit Sylvinho u emërua trajner i Corinthiasit, ku rezistoi thuajse një vit, pasi u shkarkua në shkurt të këtij viti.

Aktualisht Sylvinho është i papunë dhe në pritje të një shansi për të treguar se vlen edhe si trajner, teksa Kombëtarja Shqiptare do të ishte një trampolinë e mirë drejt ligave të njohura europiane për brazilianin 48-vjeçar.

Felix Magath
Gjermani 69-vjeçar ishte një kandidat për stolin e Kosovës, që asokohe zgjodhi t’i besojë francezit Allain Giresse, ndërsa tani emri i tij po shqyrtohet me kujdes edhe në Federatën Shqiptare të Futbollit.

Magath bën punën e trajnerit që prej 1995-ës dhe ka një eksperiencë për t’u konsideruar, pasi ka drejtuar klube të shumta në Bundesligë, si Hamburg, Nurnberg, Werder Bremen, Eintracht Frankfurt, Stuttgart, Bayern Mynih, Schalke 04, Wolfsburg e Hertha Berlin, ndërsa larg Gjermanisë ka drejtuar Fulhamin në Angli dhe Shandong Luneng në Kinë.

Në FSHF ruajnë ende kujtime të mira nga “gjermani i parë dhe i fundit” që ka drejtuar kuqezinjtë, Hans Peter Brigel, teksa Magath ka në favor edhe eksperiencën e jashtëzakonshme, por jo moshën.

Reinaldo Rueda
Ndonëse është lakuar shumë pak gjatë këtyre kohëve, edhe kolumbiani 65-vjeçar është një emër që respektohet dhe po shqyrtohet me vëmendje në zyrat e FSHF-së. Në favor të amerikano-latinit është fakti që në karrierën e tij ka drejtuar kryesisht përfaqësuese, përfshi Kolumbinë e tij dy herë, Hondurasin, Ekuadorin e Kilin në periudhën 2018-2021, me të cilët ka bërë shumë mirë.

 

Lajme të tjera

Kategoria Superiore

Big Brother Mania edhe në mbrëmjen gala “Më të mirët 2022”, që organizohet nga FSHF dhe Digitalb, dhe që po transmetohet në SportNews, teksa...

Segunda Division

Myrto Uzuni rikthehet vrullshëm. Pas dy ndeshjes mungesë për shkak dëmtimi, sulmuesi i Kombëtares Shqiptare është rikthyer titullar në sfidën Granada-Andorra dhe ka shënuar...

Eliminatore

Pasi mbylli aventurën me Portugalinë, tashmë trajneri Fernando Santos është prezantuar te Polonia. Tekniku portugez do ë provojë të polakët në Europianin e vitit...

Futboll

El Mundo Deportivo ka zbuluar një prapaskenë interesante që ka lidhje me Cristiano Ronaldon dhe Leo Messin. Sulmuesi portugez ishte ende pjesë e Real...