Europa League

Nis faza e “knockout”-it, United, Interi, Ajaxi e Arsenali favoritë

Dy muaj pas hedhjes së shortit në Nyon të Zvicrës, 32 skuadrat e mbetura fillojnë rrugëtimin e tyre drejt finales së madhe të edicionit të 11-të të Europa League-s (dhe të 49-it gjithsej në kompeticionin e dytë më të rëndësishëm në Kontinentin e Vjetër). Bëhet fjalë për fazën më të bukur të këtij aktiviteti, pra për përballjet e mëdha me eliminim të drejtpërdrejtë. Në edicionin e sivjetshëm janë plot 18 shtete të ndryshme që janë të përfaqësuar në sfidat e “knock out”-it.

Ndeshjet e fazës së 1/16 fillojnë këtë të enjte, ndërkaq sfidat e kthimit do të luhen menjëherë pas një jave. Spikat Portugalia, me katër skuadrat më të mira të kampionatit luzitan, ndërsa Anglia, Spanja dhe Gjermania do të vazhdojnë aventurën e mëtejshme me nga tri ekipe. Bën përshtypje mungesa e shteteve si Franca dhe Rusia, që pozicionohen respektivisht në vendet 5 dhe 7 të renditjes kontinentale në bazë të koeficientit, sidoqoftë pjesa e mbetur deri në finalen e madhe të 27 majit, që do të mbahet në Poloni në “Stadion Energa të Gdanskut” pritet të jetë vërtet elektrizuese, duke marrë në konsideratë emrat e mëdhenj që do të rivalizojnë nga muaji shkurt e deri në fund, për fitimin e trofeut më të rëndësishëm pas Champions League-s.

Kur u hodh shorti në mesin e muajit dhjetor favorit konsiderohej klubi i Manchester United, ndërsa tani gjërat kanë ndryshuar dhe bookmakers-at renditin të parin ekipin e Interit. “Djajtë e kuq”, që e ngritën këtë trofe në vitin 2017 nën drejtimin e trajnerit Jose Mourinho, tani kanë nevojë për ta fituar sërish, duke patur parasysh pozitat e tyre për momentin si dhe luhatjet e tmerrshme në Premiership, sepse siç dihet, ekipi që triumfon në Europa League shkon automatikisht në fazën e grupeve në Champions, e duke lënë mënjanë zikaltrit e Interit, Sevilla, United dhe Arsenali do të bëjnë çmos që të përfitojnë nga ky rregull, pasi renditja aktuale në kampionatet respektive nuk iu a garanton aspak diçka të tillë.

United do të matë forcat në Belgjikë në orën 18:55 me Club Brugge-n, një përballje që është regjistruar në verën e vitit 2015, në fazën “play off” në Champions, kur “Red Devils”, nën drejtimin e veteranit holandez, Louis van Gaal, shkatërruan bluzinjtë me rezultatin e përgjithshëm 7-1. Për momentin Club Brugge kryeson kampionatin belg me 9 pikë më tepër se sa Genti, ndërsa United, në krahun tjetër, pavarësisht suksesit tepër të diskutueshëm brenda në Londër ndaj bluve të Chelsea-t, përsëri pozicionohet vetëm në vendin e shtatë në kampionatin anglez, me 38 pikë të grumbulluara pas 26 ndeshjeve në Premiership.

Për herë të pare, që nga janari i vitit 2018, United numëron 4 takime pa pësuar gol, ndërsa në krahun tjetër Club Brugge, ku luan edhe ish-portieri i Liverpoolit Mignolet, paraqitet në këtë duel pas plot 12 ndeshjeve pa humbje në të gjithë kompeticionet.

Po në orën 18:55 do të luhet edhe takimi Ludogorets -Inter. Pas eliminimit të dhimbshëm në Champions, zikaltrit u përkëdhelën nga shorti dhe ekipi i drejtuar nga trajneri Antonio Conte do të përballet për herë të parë në histori me një kundërshtar të tillë, për më tepër ky është klubi i vetëm bullgar që ka mbetur në Kupat e Evropës.

Ndeshja do të luhet në Razgrad dhe ekipi vendas kryeson i shkëputur kampionatin bullgar, ndryshe nga Interi që jo vetëm ka lëshuar kreun, por tashmë renditet në vendin e tretë në Serie A.

Një ndër sfidat më të forta luhet në Spanjë, në rrethinat e Madridit, në Stadiumin Coliseum Alfonso Perez, ku po në të njëjtën orë do të zhvillohet takimi Getafe – Ajax. Klubi nga Amsterdami, që u eliminua në mënyrë shumë të pafat nga Championsi, vazhdon të dominojë në Eredivisie, ndërsa Getafe, në krahun tjetër po bën shumë mirë në Primera Division, teksa klasifikohet në vendin e tretë, duke mbajtur poshtë për momentin në renditje klube si Atletico, Sevilla, Villarreal, Valencia, Sociedad apo Bilbao. Në mbrëmje, interes ngjall dueli Porto – Bayer Leverkusen, ndërmjet dy skuadrave që kanë ardhur pikërisht nga Champions League, ndërsa në Greqi Olimpiakosi pret në Pire ekipin e Arsenalit, që në Stadiumin Georgios Karaiskakis ka humbur 3 nga 4 përballjet ndërmjet tyre.

Po në orën 21:00 verdhekuqtë e Romës do të bëjnë çmos të largojnë krizën, ndaj një ekipi si Genti, që për momentin renditet në vendin e dytë në kampionatin belg, por që u eliminua me rezultatin e përgjithshëm 10-2 në sfidat vajtje-ardhje ndërmjet dy klubeve, në duelin për raundin e tretë kualifikues, të zhvilluar 11 sezone më parë po në Europa League.

Ora 18:55

CFR Cluj-Sevilla

Club Brugge KV-Manchester Utd

Eintracht Frankfurt-Salzburg

FC Copenhagen-Celtic

Getafe-Ajax

Ludogorets-Inter

Shakhtar Donetsk-Benfica

Sporting-Basaksehir

Ora 21:00

APOEL-Basel

AS Roma-Gent

AZ Alkmaar-LASK

Bayer Leverkusen-FC Porto

Olympiacos Piraeus-Arsenal

Rangers-Braga

Wolfsburg-Malmo FF

Wolves-Espanyol

 

 

Autostop Albania, tregu i makinave me i madh per makina ne shitje ne shqiperi, makina ne shitje, makina me qera ,kerkoj makine, kerkoj makina, makina ne shitje, shes blej makina, servis makinash,makina ne shitje,autostop makina, makina ne shitje, kerkoj makine,kerkoj makina okazion,karrotrec, makina.

autostop.al

makina ne shitje, makina me qera, servise, pjese kembimi, tregtar makinash,kerkoj makina,tregu i makinave ,tregu makinave shqiperi,tregu makinave,autostop albania,porsche cayenne me qera, makina per shitje ne tirane,auto a1 albania, auto a1 tirane, shes makina, auto shitje hertz albania makina ne shitje shijak, shes blej, porsche albania, oferta makina per shitje shqiperi ,makina ne shitje ne shqiperi, makina ne shitje, makina ne shitje okazion, makina ne shitje ne gjermani, makina blej makina, makina ne shitje gjermani, makina gjermane ne shitje, ford albania, pjese kembimi te perdorura, pjese kembimi kadiu, pjese kembimi per makina benz

Më të lexuarat

To Top
Evolve Web Agency Evolve Web Agency