Nisin eliminatoret e EURO 2024, ndeshjet që mund të ndiqni në “SuperSport”

Këtë të enjte nisin eliminatoret e EURO 2024 dhe përballjet premtojnë spektakël të vërtetë.

Sfida më e fortë e mbrëmjes pritet të jetë mes Italisë kampione dhe Anglisë, takim që do të nisë në orën 20:45 dhe do të transmetohet ekskluzivisht në “SuperSport 2”.

Këto dy skuadra rikthehen për t’u përballur me njëra-tjetrën në këtë kompeticion, pas finales së 11 korrikut 2021, nga e cila kampion të Europës dolën djemtë e Mancinit.

Lexo edhe:

1. Mehmeti fjalëpak: Kombëtarja një ëndërr, gati të luaj titullar
2. Uzuni: Më Sylvinho-n do bëjmë lojë ofensive, kam oferta nga disa kampionate
3. Gabimi në finalen e Botërorit, Kolo Muani: E urrej atë çast, por duhet të shoh përpara!
4. Buffon: Ju tregoj gabimin më të madh në jetës dhe kur tërhiqem

Portugalia-Lihtenshtejn do të përballen po në orën 20:45 dhe ky takim do të transmetohet në “SuperSport 3”.

Këto dy skuadra janë ndeshur me njëra-tjetrën shtatë herë gjatë gjithë historisë, nga të cilat gjashtë i ka fituar Portugalia dhe një ka dalë barazim.

Ndërsa sfida e tretë që do të transmetohet në “Digitalb” është ajo mes Maqedonisë dhe Maltës, takim të cilin do të mund ta ndiqni në “SuperSport 4”.

Këto skuadra janë ndeshur gjatë gjithë historisë katër herë me njëra tjetrën në Europian dhe në miqësore dhe ndër to tre takime i ka fituar Maqedonia e Veriut dhe një takim është mbyllur me barazim.