Kukësi zyrtarizon një tjetër afrim në këtë merkato dimri. Klubi verilindor ka njoftuar firmosjen e marrëveshjes me një mbrojtës, të cilin, në fakt, e kishte regjistruar më parë, por vetëm sot palët kanë hedhur firmën në kontratë. Bëhet fjalë për Albnor Kabën, një futbollist 20-vjeçar shqiptar nga qyteti i Ohrit në Maqedoninë e Veriut. Kaba ka luajtur me herët edhe me Shkëndijën e Tetovës, si dhe me Shqipërinë U-20.
Njoftimi i Kukësit:
“Futboll Klub Kukësi njofton se mbrojtësi Albnor Kaba është zyrtarisht futbollist i skuadrës sonë! Futbollisti 20 vjeçar ka firmosur ditën e sotme me klubin tonë një kontratë për 1 sezon e gjysmë, duke u bërë futbollisti më i ri në skuadër.
20 vjeçari, i lindur në Ohër vjen te Kukësi nga kampionati maqedonas ku së fundmi ka ishte pjesë e Voska Sport. Kaba ka qenë më parë pjesë e ekipeve si Shkëndija e Tetovës e Veleshta, teksa ka zhvilluar edhe dy ndeshje me Shqipërinë U20.
Klubi i Kukësit i uron mirëseardhje futbollistit Albnor Kaba dhe shumë suksese me fanellën e skuadrës sonë. Mirë se vjen, Albnor!”
Skeda e Lojtarit:
Emri: Albnor Kaba
Mosha: 20 vjeç
Gjatësia: 1.84 m
Kombësia: Shqiptar
Pozicioni: Mbrojtës
