Newcastle është shumë pranë afrimit të përforcimit të tretë në këtë merkato dimri. Drejtuesit e klubit anglez duket se kanë arritur marrëveshjen me Bayer Leverkusen për mbrojtësin e krahut të majtë Mitchel Bakker.
Sipas mediave, bisedimet janë në fazë të avancuar dhe dy klubet janë pranë arritjes së marrëveshjes. Anglezët, për kartonin e 21-vjeçarit do të derdhin në arkat e klubit gjerman shumën e 14.5 milionë euro. Bakker është pjesë e “aspirinave që nga viti 2021, kohë kur u transferua nga francezët e Paris Saint Germain për shumën e 8.5 milionë eurove.
Ndryshon situata lidhur me të ardhmen e Luuk de Jong. Lojtari, i cili ishte shumë pranë largimit, duket se do të vazhdojë të qëndrojë te Barcelona. Drejtuesit e klubit katalanas vendosën që 31-vjeçari të qëndrojë deri në fund të sezonit, kohë kur i përfundon edhe marrëveshja e huazimit nga Sevilla, që zotëron kartonin e holandezit.
Me ardhjen e Xavit në krye të katalanasve, De Jong është rikthyer në një lojtar të rëndësishëm për repartin e sulmit ku në 12 paraqitje ka realizuar 3 gola në kampionat. Është pikërisht këmbëngulja e trajnerit, që ndryshoi vendimin e drejtuesve për ta larguar futbollistin, i cili tashmë do të jetë pjesë e blaugranave deri në fund të kontratë së huazimit, pra deri në qershor 2022.
[quiz-cat id=”297386″]
