Është dita e derbit mes Interit dhe Milanit, një nga sfidat më spektakolare dhe të ndjera në Itali. Një ndeshje e tillë ofron shumë emocione, por njëkohësisht edhe shumë prapaskena, teksa një të tillë rrëfen ish-lojtari i Inter, Borja Valero. Ky i fundit zbulon se pas një derbi kundër Milanit në të cilin po humbisnin me shifrat 2-0, Brozovic dhe Lukaku po debatonin me tone të larta ndërsa u desh ndërhyrja e menjëhershme e Antonio Contes.
Lexoni edhe:
- Sylvinho “fluturon” ulët: Edhe tri finale, s’mund të mendojmë që jemi kualifikuar
- Ndryshon pronësia, Everton blihet nga fondi që zotëron Genoa, Hertha Berlin dhe shumë klube të tjerë
- Gol dhe asist tek Antwerpi, sulmuesi i Kombëtares në një moment të artë (video)
- VIDEO/ Më i miri i ndeshjes, Tuci i jep fitoren Lokomotivës së Zagrebit
“Po ktheheshim në dhomat e zhveshjes dhe Lukaku me Brozovic po debatonin me tone të larta. Ishin nxehur shumë dhe çfarë nuk po nxirrnin nga goja. Në fakt, ishim të gjithë keq pasi po humbisnim 2-0. Conte dëgjoi ulërimat dhe ndërhyri me shpejtësi.
I pyeti për arsyen e grindjes, por nuk kërkoi t’i qetësonte. I kërkoi që të vazhdonin dhe të mos i zbusnin nervat pasi në këtë formë do të riktheheshim të karikuar në fushë. Rezultati? E përmbysëm atë ndeshje dhe fituam 4-2”, u shpreh Valero.
