Manchester City mposhti pastër me rezultatin 4-0 Chelsean, në ndeshjen e vlefshme për FA Cup. Goli i parë për The Citizens u shënua nga ana e Julian Alvarez i cili u tregua i saktë nga pika e bardhë e penalltisë edhe pse portieri Kepa provoi me lojërat e fjalëve për të hutuar argjentinasin.
Gjithsesi, tentova e spanjollit ishte pa sukses ndërsa në lidhje me gjestin e Kepa komentoi legjenda e Anglisë, Gary Lineker i cili u shpreh se gardiani i Chelsea-t u tregua një kopje e shëmtuar e Martinez.
“Kepa u tregua një kopje e shëmtuar e Martinez. Besoj se Alvarez fare mirë mund t’i thoshte Kepës se ai sapo ishte kthyer nga Botërori si një kampion. Nuk mendoj se Alvarez është shqetësuar shumë nga ajo që Kepa i ka thënë”, u shpreh Lineker.