Një mesfushor për klubin e Superligës, zyrtarizohet firma me brazilianin
nga
Postuar ne
Llapi ka zyrtarizuar marrëveshjen me Robson Da Silva. Ashtu siç e lajmëroi edhe Supersport një ditë më parë, braziliani arriti marrëveshjen me klubin e Superligës në Kosovë dhe ka firmosur një kontratë deri në vitin 2023. Roli që mbulon Da Silva është ai i mesfushorit të qendrës, ndërsa është një vlerë e shtuar edhe për aspektin difensiv ë skuadrës.
Sezonin e fundit, 26-vjeçari u aktivizua në radhët e klubit nga Katari, Al-Mesaimeer Sports Club. Ndërkaq, Da Silva ka pasur edhe një eksperiencë në Maqedoninë e Veriut ku ka luajtur për Makedonija GP dhe Belasica, ndërsa tashmë do të provojë aventurën e re në Kosovë.
Njoftimi i Llapit:
Mirësevjen ROBSON DA SILVA 
Braziliani 26 vjeçar firmos me ne deri në verën e vitit 2023
Robson Da Silva, i lindur më 14.07.1996, i gjatë 1.80 m do t’i shtoj vlerat e mesfushës sonë.
Da Silva gjatë karrierës së tij është paraqitur për skuadrat si: Sertanense FC në Portugali, Makedonija GP e Belasica në Maqedoninë Veriore si dhe Al-Mesaimeer në Katar.
Ai luan në pozitën e mesfushorit qendror, i aftë për të luajtur edhe si mesfushor defanziv.
Pasi ka përfunduar të gjitha procedurat e kontratës, Da Silva që nga dita e nesërme do t’i bashkohet ekipit në stërvitje.
