I sapopunësuari Thomas Tuchel duket se po has shumë vështirësi në aventurën e tij të re te Bayern Munich. Gjermani e ka drejtuar ekipin në shtatë ndeshje duke arritur të koleksionojë vetëm dy fitore.
Gjatë kësaj periudhe bavarezët u eliminuan nga Champions League nga Manchester City i Guardiolës me rezultatin e përgjithshëm 4-1. Disfata tjetër ishte dhe eliminimi nga Kupa e Gjermanisë ndaj Freiburg.
Lexo edhe:
- Skënderbeu dhe Dinamo rikthehen në Superiore, Flamurtari “bie” në shtëpi
- Sezoni më i dobët që pas ngjitjes në Superiore, Kukësi bën lëmsh llogaritë
- Drita zyrtarizon trajnerin e ri, gjilanasit i besojnë një greku
- Mbrojtja më e mirë në histori? Xavi vendos në shënjestër rekordin e Mourinhos
Shumë pak suksese duke parë CV mbresëlënëse të ish-trajnerit të PSG dhe Chelsea, i cili me këta të fundit arriti të fitojë Champions League në më pak se 6-muaj.
Ecuria e bavarezve nuk ka qenë shumë pozitive, saqë në javën e fundit ata humbën vendin e parë në kampionat.
Sipas gazetës gjermane BILD, stafi i drejtuesve bavarez do të mblidhen në datë 22 maj, 5 ditë përpara mbylljes së sezonit në Gjermani. Duket se trajneri bashkë me stafin drejtues do të marrin vendime të rëndësishme për të ardhmen.
