Një pjesë e madhe e meritës për triumfet e Barcelonës së kohës së artë, ishte edhe e Dani Alves. Braziliani, anësor i linjës së djathtë falë teknikës shndërrohej në një futbollist vendimtar në fazën e sulmit, ndërsa asistet për Messin me shokë ishin të panumërta.
Me katalanasit, 38-vjeçari ka fituar shumë trofe teksa ato që bëjnë diferencën janë padyshim gjashtë titujt në La Liga-n apo edhe tre triumfet në Champions League. Tashmë që është në fundin e karrierës, Alves ka veçuar disa lojtarë të cilët kanë të njëjtin rol në fushë si ai, ndërsa ka një konsideratë të lartë për Trent-Alexander Arnold të Liverpool.
“E admiroj Trent, është një lojtar fantastik. Ai djalosh ka cilësi të klasit botëror dhe është shumë i rëndësishëm për Liverpool. Por, edhe Reece James e Achraf Hakimi dallohen në rolin e tyre, ata ia dalin më së miri të miksojnë forcën fizike me teknikën. Janë tre lojtarë me karakteristika të ndryshme, por punën e tyre e bëjnë shumë mirë”, u shpreh Alves.