Juventus mposhti Leccen në javën e gjashtë të Serie A, me bardhezinjtë që në shtëpinë e tyre fituan me shifrat 1-0 falë një goli të Milik në pjesën e dytë. Pjesë e rëndësishme e Lecces, ashtu si edhe në pesë ndeshjet e para, ishte mesfushori i kombëtares, Ylber Ramadani.
Ramadani luajti për 69 minuta teksa u zëvendësua për herë të parë në këtë sezon, kjo edhe sepse ishte ndëshkuar me karton të verdhë në pjesën e parë. Megjithatë, 69 minutat mjaftuan që 27-vjeçari të marrë një vlerësim shumë pozitiv nga Eurosport që i vendosi notën gjashtë paraqitjes së shqiptarit. Në vlerësimin e ndeshjes së Ramadanit, Eurosport thekson se mesfushori mori gjithnjë vendimet e duhura në fushë.
Lexo edhe:
- “Pa Sylvinhon nuk do isha pjesë e Shqipërisë”, Asani për “Elite Show”: Ndaj Çekisë ndeshja e jetës
- Rrëfimi i Muçit për “Elite Show”/ Nga merkato, te kombëtarja dhe… Tirana
- E BUJSHME! Armand Duka zgjidhet zëvendëspresident i UEFA-s!
- HISTORIKE/ Euro 2025 do të organizohet në Shqipëri
“Një regjizor i pastër, i bukur për t’u parë dhe që merr gjithnjë vendimet e duhura në fushë. Është autor i një pjese të parë të shkëlqyer, bie pak në pjesën e dytë pasi nuk kishte sasinë e duhur të “benzinës” për të furnizuar skuadrën në fazën ofensive”, shkruan Eurosport për paraqitjen e Ramadanit që vazhdon kështu të vlerësohet si një nga lojtarët kryesorë të Lecces, edhe pse ish-lojtari i Partizanit është duke shijuar vetëm vitin e parë në elitën e futbollit italian, Serie A.
