Vllaznia kompleton skuadrën me tre lëvizje të orës së fundit nga tregu i huaj. Tre afrime me peshë në merkato që rritin shanset e shkodranëve për t’u rikthyer menjëherë në Kategorinë Superiore.Mesnata e së premtes ka shënuar edhe fundin e merkatos për futbollistët e huaj dhe pikërisht për këtë arsye, KF Vllaznia ka bërë të mundur marrjen e tre futbollistëve që tashmë do të jenë pjesë e saj. Bëhet fjalë për mbrojtësin rumun Dan Gelu Ignat, sulmuesin brazilian Silvio Rodrigues Pereira Junior dhe sulmuesin nigerian Eziamaka Collins Ikenna. Me këto futbollistë tashmë skuadra është më e plotë megjithatë deri në fund të javës tjetër kur do të mbyllet merkatoja edhe për futbollistët e kampionatit shqiptar, mund të ketë edhe të tjera lëvizje që do ta bëjnë Vllazninë më të fortë në prag të nisjes së sezonit të ri.
