Partizani vijon përgatitjet në Ohër, në kuadër të ndeshjeve eliminatore të Europa Leagues, përballë sllovenëve të Mariborit, ndërsa drejtuesit po punojnë për përforcimin e skuadrës.
Të kuqtë kanë njoftuar sot arritjen e marrëveshjes për afrimin e sulmuesit malazez, Stefan Nikoliç, i cili ka nënshkruar një kontratë dy vjeçare me Partizanin.
Sulmuesi 28-vjeçari është bashkuar tashmë skuadrës dhe do të vihet në dispozicion të trajnerit Skënder Gega në stërvitjen e pasdites së sotme, në orën 18:00.
Nikoliç së fundi ka qenë pjesë e skuadrës Napredak Krusevaç, në Superligën serbe, ndërsa më herët ka luajtur me skuadra si Steaua e Bukureshtit në Rumani, Lierse dhe Roeselare në Belgjikë, CSKA e Sofies në Bullgari dhe Istra 1961 në Kroaci.
Krahas sulmuesit malazez, të kuqtë kanë arritur marrëveshjen edhe me mesfushorin 19-vjeçar Henri Okebugwun, i cili vjen në huazim nga klubi i Egnatias, ku luajti sezonin e kaluar.