Pavarësisht disa hapave fals në javët e fundit, Vllaznia vijon të kryesojë renditjen në Kategorinë Superiore dhe në Shkodër vijojnë të jenë entuziastë me paraqitjen e skuadrës.
Së fundi, me nismën e sponsorit Alban Xhaferi, kantautori i njohur shkodran Sidrit Bejleri ka publikuar edhe një këngë për klubin e Vllaznisë, e cila është lancuar në rrjetet sociale vetëm pasditen e sotme.
Regjistrimet e klipit janë bërë në stadiumin “Loro Boriçi”, teksa nuk mungojnë as pamje nga ndeshjet e kuqebluve gjatë këtij sezoni, ndërsa kënga ka marrë komente mjaft pozitive në orët e para të publikimit.
Teksti i këngës “Vllazni”
Porsi gurë të Rozafës së lashtë
Ti Vllazni me vllazën bashkë
Gjyshat tonë e baballarët
Brez mbas brezit ty të kanë dashtë
Ti je djepi, je futbolli
Na ndez zemrën, krahanorin
E tanë botën të na falin
Për Vllazninë kangën s’e ndalim
Vllazni, Vllazni
Je dashnija jonë
Ne me ty, ne me ty
Kuq e blu gjithmonë
Emri jot asht histori
E kena thirrë na qysh fëmijë
Do ta thrrasim prapë të tanë
Sa të ketë Shkodër e shkodranë
Ti je kuq si zemrat tona
Edhe blu si qiell’ i Zotit
E me ty do të jemi gjithmonë
Si kur humb e kur fiton