Connect with us

Hi, what are you looking for?

Merkato

Një “xholi” për Conten, Inter kërkon informacione për Florenzin

Alessandro Florenzi po bën mjaft mirë me fanellën e Paris Saint Germain ku është në huazim nga Roma, por klubi francez nuk duket i bindur të ekzekutojë të drejtën e blerjes së kartonit të tij për shifrën e 9 milionë eurove.

Nga kjo situatë është gati të përfitojë Interi, që vijon të jetë në kërkim të një anësori të majtë të disiplinuar taktikisht, por edhe të shpejtë e me aftësi të mira sulmuese, për të shkuar shpesh deri në fundore.

Pikërisht mbrojtësi italian është një nga të preferuarit e Contes, që e njeh Florenzin që nga koha kur drejtonte Italinë dhe e pati kërkuar edhe më herët te Interi, por nuk arriti dot ta veshë zikaltër.

Florenzi është një lojtar që luan me këmbën e djathtë, por mund të bëjë mjaft mirë edhe në të majtë, duke qenë një lloj xholi për teknikun zikaltër, por njëkohësisht duke rritur numrin e italianëve te Interi.

Përveç Florenzit, zikaltrit po ndjekin me mjaft interes edhe italianin e Chelsea-t, Emerson Palmeiri, një tjetër futbollist i preferuar nga Conte, pasi ishte ky i fundit që e mori në Londër tre vite më parë.

Gjithsesi rruga që të çon te Florenzi duket më e lehtë, pasi Roma nuk dëshiron ta rikthejë më në kryeqytet dhe është gati të pranojë një ofertë prej 8-9 milionë eurosh për kartonin e 30-vjeçarit italian.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...