Deian Boldor dhe Besnik Ferati janë shëruar nga Koronavirusi. Dy lojtarët e kuq, që rezultuan pozitivë më 8 korrik para derbit të kryeqytetit, nuk janë më bartës të virusit që po merr me qindra mijëra jetë njerëzish në mbarë globin. Lajmin e dha vetë klubi i kuq nëpërmjet një njoftimi për shtyp.
“FK Partizani njofton se dy lojtarët e skuadrës, të cilët rezultuan të parët pozitiv me CODIV-19, Deian Boldor dhe Besnik Ferati, kanë dalë negativ. Të dy pjesëtarët e ekipit, në zbatim të protokollit të miratuar nga Ministria e Shëndetësisë, ditën e premte i janë nënshtruar testit të dytë dhe nga përgjigjet e ardhura kanë rezultuar negativë.”
Tashmë pritet që edhe tre futbollistët e tjerë, Erald Çinari, Esat Mala dhe Kristi Kote të mposhtin COVID-19, pas pozitivitetit të tyre kur e gjithë skuadra bëri tamponët.