Connect with us

Hi, what are you looking for?

Kupa e Italisë

Notat e Interit/ Lautaro perfekt, Barella kujton Bertin, Perisic “ndizet” nga një faull

Inter triumfoi me rezultatin 3-0 ndaj Milanit në gjysmëfinalen e kthimit të Kupës së Italisë dhe u kualifikua në finale, teksa në një “San Siro” të mbushur plot e përplot, Lautaro Martinez mori rolin e protagonistit me dy gola të shënuar.

Një ndeshje mjaft të mirë bënë edhe kroatët Marcelo Brozovic e Ivan Perisic, por edhe mesfushori italian Nicolo Barella.

Notat e futbollistëve zikaltër:
Handanoviç – 6.5: Në pjesën e parë bën tre pritje mjaft të mira ndaj Leaos dhe Saelemakers, por shpëtohet edhe nga Perisic në vijën fatale. Në 45-minutëshin e dytë ka pak punë dhe “fut në xhep” një tjetër derbi pa pësuar.

Skriniar – 6.5: E di mirë që duhet të marrë në konsideratë shpejtësinë e Leaos dhe e ndal shumë herë, ndonëse në ndonjë moment edhe kalohet nga portugezi. Gjithsesi mbetet një pikë e fortë te prapavijës zikaltër.

De Vrij – 6.5: Pas dy golave në derbi, këtë herë merr mjaft mirë masat ndaj Giroud, të cilin “e fut në xhep” dhe nuk i lë asnjë hapësirë për të kërcënuar. Provon të ndërtojë nga poshtë, sa herë që Brozovic bllokohet nga kundërshtarët.

Bastoni – 6: Bën mirë punën e tij, duke mbyllur hapësirat dhe fituar të gjithë dyluftimet ajrore. Largohet i dëmtuar, për t’i lënë vendin D’Ambrossios në minutën e 78’.

Perisic – 7: E nis lehtë ndeshjen, por një faull për një ndërhyrje inekzistente ndaj Theo Hernandez, e acaron mjaftueshëm për të rritur ndjeshëm nivelin. Shpëton portën nga një gol i sigurt mbi vijën fatale, rikuperon topa pa fund dhe është gjithmonë kërcënim për prapavijën kuqezi. (Nga minuta e 78’ Gosens – 6.5: Në prekjen e parë të topit, shënon golin e parë me fanellën zikaltër dhe vulos kalimin në finale. Sulmon portën si pak të tjerë.)

Darmian – 6.5: Jep një asist fantastik që në fillim për Lautaron dhe më pas përqendrohet te bashkëpunimi me Skriniar, për të mbyllur aksin e majtë të Milanit, duke llogaritur shpejtësinë e Theos dhe Leaos.

Brozoviç – 7.5: Vrapon pa fund, i shpëton thuajse gjithmonë mbulimit të Kessie dhe ngrihet lart për të nxjerrë skuadrën në sulm. Nga këmbët e tij nis aksioni për golin e dytë dhe më pas asiston direkt në golin e Gosens. Është oksigjen për zikaltrit.

Barella – 7: E ndjen atmosferën e derbit dhe propozon një nga versionet e tij më të mira, duke vrapuar pa fund dhe ofruar gjithmonë një pikë pasimi për shokët e skuadrës. Për nostalgjikët, ka sjellë në kujtesë Nicola Bertin.

Calhanoglu – 6.5: Vërshëllehet gjithmonë nga ata pak tifozë të Milanit, por nuk i bën më përshtypje, pasi luan derbin e katërt dhe sërish me autoritet e saktësi. Bën mirë deri në të 77-ën, kur ulet për t’i lënë vendin Vidalit.

Lautaro Martinez – 7.5: Është mbrëmja e tij dhe shënon menjëherë një gol për t’u duartrokitur. I dyti është një gol prej bomberi të vërtetë, por përveç golave, tregon shumë cilësi në të gjithë aspektet e lojës.

Correa – 6: Lautaro e lë në hije, por pikërisht Correa çorienton jo pak mbrojtjen kuqezi, pasi është gjithmonë në zonat ku askush nuk e pret.

Inzaghi – 6.5: Fiton derbin e parë pikërisht në mundësinë e katërt, por ama atë më të rëndësishmin, që dërgon Interin në finale. Zgjedh dy lojtarë të shpejtë në sulm dhe fiton duelin me Piolin.

Lajme të tjera

Kategoria Superiore

Xhuliano Skuka nis aventurën e re në Francë, ku do të jetë pjesë e Metz. Sulmuesi dibran kaloi me sukses testet mjekësore mëngjesin e...

Kategoria Superiore

Big Brother Mania edhe në mbrëmjen gala “Më të mirët 2022”, që organizohet nga FSHF dhe Digitalb, dhe që po transmetohet në SportNews, teksa...

Premier League

Dëmtimi i Virgil Van Dijk është padyshim një lajm i keq për Jurgen Klopp, që sheh Liverpoolin e tij këtë sezon, shumë larg formës...

Francë

Transferimi i Xhuliano Skukës te Metz ishte padyshim më i bujshmi i këtyre viteve të fundit. Më i shtrenjti në historinë e kampionatit shqiptar....