Përballja e dy sulmuesve kosovarë Bersant Celina dhe Atdhe Nuhiu në Championship të Anglisë, përfundoi pa fitues 2-2. Ipswich Town ishte skuadra pritëse ndaj Sheffield Wednesday në kuadër të javës së 18-të në stadiumin Portman Road. Nuhiu që luante ndeshjen e parë me Sheffieldin pas më tepër se 2 muajsh, hyri në lojë në minutën e 87-të dhe arriti të ta shpëtonte skuadrën e tij nga disfata duke shënuar në minutën e 94-të. Para kësaj sfide, 28 vjeçari kishte luajtur vetëm 5 minuta në dy ndeshje në kampionat, por ky gol mund ta shtyjë trajnerin portugez Carlos Carvahal që t’i japë më tepër hapsirë sulmuesit të lindur në Prishtinë. Në anën tjetër Bersant Celina sivjet qëndron shumë më mirë edhe me minuta edhe me gola. Ndaj Sheffieldit i huazuari nga Manchester City luajti 67 minuta megjithatë nuk ai doli të shënonte. Në përgjithësi, 21 vjecari ka shënuar 5 gola në 13 ndeshje këtë sezon në Championship.
