Pas një aventure 6-mujore në Londër, mesfushori i Barcelonës Denis Suarez nuk ia doli të bindë drejtuesit e Arsenalit për një transferim përfundimtar dhe u rikthye në Spanjë, menjëherë sapo u mbyll sezoni.
Megjithatë 25-vjeçari ka gjetur një tjetër skuadër për të vijuar karrierën, pasi mbrëmjen e djeshme u transferua zyrtarisht te Celta Vigo. Suarez nuk bënte pjesë në planet e trajnerit Ernesto Valverde ndaj dhe drejtuesit e Barcelonës pranuan shitjen e tij te Vigo, për shifrën e 13 milionë eurove.
Denis Suarez iu bashkua Barcelonës në verën e vitit 2016, por gjatë dy viteve e gjysmë, luajti vetëm 46 takime, shumicën e të cilëve i nisi nga stoli, ndërsa shënoi edhe 3 gola.