Pas vetëm një sezoni në kryeqytetin italian, mbrojtësi Ivan Marcano i dha lamtumirën Romës, për t’u rikthyer në kampionatin portugez me fanellën e Portos, të cilën e mbajti veshur për 4 sezone, nga viti 2014 deri verën e kaluar.
Spanjolli 32-vjeçar iu bashkua verdhekuqve verën e kaluar me parametra zero, pasi i kishte mbaruar kontrata me portugezët, por nuk arriti të bindë, duke u aktivizuar vetëm në 10 takime gjatë sezonit dhe u la jashtë planeve nga trajneri i ri Fonseca.
Pikërisht për këtë arsye, Marcano u rikthye të veshë sërish fanellën bardheblu të Portos, ndërsa këta të fundit pranuan të paguajnë një çmim prej 3 milionë eurosh për kartonin e spanjollit.