Charles Leclerc e nisi me një zhgënjim të madh sezonin e ri të Formula 1, teksa piloti i Ferrarit u detyrua ta mbyllte para kohe garën në pistën e Sakhir në Çmimin e Madh të Bahreinit. Por, për 41 xhiro që zgjati gara e pilotit monegask, Leclerc nuk mundi ta konkurronte për asnjë çast Max Verstappen dhe makinën e tij Red Bull me diferencat që ishin të dukshme.
Pas garës në Bahrein, Leclerc u shpreh se te Red Bull duhet të kenë gjetur një sekret që e ka përmirësuar tejmase makinën ndërsa shtoi se ai dhe Ferrari nuk ishin për asnjë moment në lojë.
Lexo edhe:
- Nis “gjuetia” për titullin e tretë, Verstappen dominon në Bahrein. Zhgënjen Leclerc, befason Alonso
- VIDEO/ “Tërmet 7 ballësh” në Anfield, Liverpool turpëron keq Manchester United
- Në stol për 90 minuta, Inzaghi: Asllani duhet të punojë dhe të stërvitet!
- Reali “ngeci” në transfertë, Ancelotti: Kampionatin nuk e kemi humbur, luftojmë deri në fund
“Objektivi ynë është të mundim Red Bull-in, ata duhet të jenë pika e referimit për ne të Ferrarit. Por, më duhet të them se këtë garë ne nuk ishim fare në lojë. Nuk kishim ritëm në garë, ishim shumë larg dhe duhet të përmirësohemi.
Ata të Red Bull kanë gjetur diçka që e përmirëson shumë makinën. Unë nuk e kam provuar më parë që në prova të jemi shumë pranë Red Bull-it dhe më pas në garë të jenë ato diferenca. Ata fitojnë një sekondë në çdo xhiro. Red Bull-i është i një tjetër kategorie. Duhet të punojmë shumë pasi përndryshe do të vuajmë”, u shpreh Leclerc.
