Clement Lenglet është një fiksim i vjetër i Jose Mourinhos, i cili kërkon që ta ketë francezin si pjesë të mbrojtjes së Romës.
Ndonëse luajti në 27 ndeshje sezonin që u mbyll, Lenglet duket se nuk është pjesë e planeve të Xavi-t.
Francezi ka kontratë shumë të gjatë me Barçën, deri në vitin 2026, dhe duke parë që nuk është pjesë e planeve të teknikut të katalanasve, 27-vjeçari ka nevojë për një ekip që mund ta mbajë atë të aktivizuar, ndonëse edhe në formë huazimi.
I interesuar për mbrojtësin është edhe Tottenhami. Megjithatë, te “Spurs” ai nuk shihet si një prioritet, pasi përpara se të bëjë afrimet, duhet të krijojë të ardhurat e nevojshme dhe të shkurtojë tepricat.
Ndaj e ardhmja e Clement Lenglet lidhet më shumë me Jose Mourinhon dhe respektivisht edhe me Romën.
