Trajneri i Luftëtari greku Jorgos Marantas ende nuk e ka përtypur atë barazim ndaj Bylisit dhe mbi të gjitha penalltinë e disatë radhazi të akorduar kundër skuadrës së tij, aq sa në konferencën për shtyp përpara ndeshjes së kësaj mesjave ndaj Kukësit ka bërë ironi me çështjen e 11-metërshave ndërsa ka shfaqur të gjithë besimin e tij se Luftëtari i ka mundësitë për të marrë maksimumin ndaj verilindorëve.
STËRVITJA – Do i bëjmë një stërvitje të veçantë protierëve për të ndalur 11-metërshat. Ndërkohë, tashmë lojtarët e mi janë në dijeni, se nuk duhet t’i prekin kundërshtarët brenda zone, kjo është diçka e ndaluar. Të mos ndodhin gjëra si në ndeshjen e fundit.
NDAJ KUKËSIT – Nesër presim që të kemi një zhvillim në lojën tonë. Takimi është shumë i fortë, pasi dihet se Kukësi është një nga ekipet më të forta në Shqipëri. Besojmë se do të marrim maksimumin.