Mbrëmjen e së enjtes në Sky Sports u publikua një intervistë e Romelu Lukaku, e cila krijoi jo pak zhurmë në opinionin sportiv. Futbollisti belg pranoi hapur se nuk ishte i lumtur te Chelsea ndërsa theksoi se nuk përshtatet me idetë e trajnerit Tomas Tuchel ndërsa shpreson të rikthehet te Inter. Ndërkohë, këto deklarata nuk i kanë lënë aspak një shije të mirë teknikut gjerman i cili së fundmi i është kundërpërgjigjur Lukakut, ndërsa thotë se do të flasë personalisht me sulmuesin.
“Sigurisht që nuk më pëlqyen fjalët e tij, shkakton një zhurmë që nuk është e nevojshme. Nuk dua ta bëjë më të madhe seç është, por ndoshta fjalët e tij janë nxjerrë nga konteksti dhe Lukaku nuk ka dashur të thotë atë që është publikuar.
Mua nuk më është dukur i palumtur dhe prandaj më duket surprizuese dekalarata e tij. Unë nuk jam këtu që të merrem me titujt e medieve, ne do të marrim kohën e duhur për të kuptuar se çfarë po ndodh në të vërtetë. Do të flasim me Lukakun për të kuptuar të vërtetën”, u shpreh Tuchel.
