Ndonëse skuadra e Bylisit ka rinisur përgatitjet që më datë 4 Janar, 3 prej futbollistëve nuk i janë bashkuar ende skuadrës. Bëhet fjalë për Franklin Ntepe, Jurgen Vatnikaj dhe Vesel Limaj, të cilët nuk janë paraqitur në grumbullim, për arsye ende të paqarta.
Klubi ballshiot bën me dije se Ntepe pritet t’i bashkohet skuadrës sot, ndërsa paralajmëron se do të ketë edhe masa ndëshkimore për çdo ditë mungesë që kalon.
Gjithashtu ballshiotët shprehen se nuk do të lejojnë largimin e asnjë futbollisti që është nën kontratë me skuadrën e Bylisit dhe se do të përshkallëzojë masat ndëshkimore nëse ata nuk paraqiten në stërvitje.
