Connect with us

Hi, what are you looking for?

Premier League

“Nuk je portieri që unë kërkoj”/ Dy orë debat me Guardiolën, Joe Hart zbulon detajet!

Joe Hart ishte zgjedhja e parë në portën e Manchester City deri në momentin kur në Etihad Stadium u shfaq trajneri Pep Guardiola. Tekniku spanjoll kishte ide të tjera për numrin një të portës ndërsa nënshkroi me Claudio Bravo dhe Willy Caballero, për ta dërguar anglezin në rolin e portierit të tretë.

Së fundmi, Hart i cili tashmë është pjesë e Celtic ka zbuluar disa detaje nga debati i tij me Pep Guardiolën që zgjati dy orë dhe ku trajneri i tha se ai nuk ishte profili i portierit që kërkonte.

“Guardiola kërkoi të bisedonte me mua, e njihte shumë mirë karrierën time, mënyrën si luaja, por pas dy orëve me tha se unë nuk isha portieri që atij i duhej. Më deklaroi se nuk mund të kishte të ardhmen për mua te City, ndërsa unë kundërshtova.

I kërkova një mundësi për t’i treguar vlerat, por ai e kishte marrë vendimin. Doja një mundësi për t’u trajnuar nga më i miri, por në atë moment unë nuk mund të luaja në mënyrën që ai kërkonte pasi kurrë më parë nuk e kisha provuar atë stil loje.

Më mori ëndrrën, por ndoshta kështu ishte i shkruajtur udhëtimi im. Njerëzit te City gjithnjë do të jenë në zemrën time dhe do t’iu jem mirënjohës për kohën që kalova aty”, u shpreh Hart.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...