Cristiano Ronaldo po kërkon largimin nga Manchester United dhe menaxheri i tij, Jorge Mendes ua ka ofruar shumë klubeve të njohura europiane, mes të cilave edhe Atleticos së Madridit, klub rival i Realit, aty ku portugezi ka shkëlqyer për shumë sezone.
Megjithatë fansave të “Los Colchoneros” duket se nuk u pëlqen ideja që 5 herë fituesi i Topit të Artë të transferohet në “Wanda Metropolitana” dhe kanë reaguar në rrjetet sociale, duke bërë të qartë qëndrimin e tyre.
Një pjesë e madhe e urrejnë portugezin pikërisht për faktin se për vite të tëra ka veshur fanellën e Realit, ndërsa të tjerë shprehen se nuk duan që Atletico të jetë një “azil pleqsh”, teksa kanë kërcënuar se do të anulojnë abonimet e tyre në stadium, nëse klubi firmos me Cristiano Ronaldon.
