Përvoja e Jorge Jesus te Fenerbahçe, në Turqi, është drejt fundit.
Trajneri portugez, ndonëse ende lufton për titullin kampion e Superligën e Turqisë dhe ka kontratë deri në maj, ka marrë kritikat e para nga tifozët (të cilët e kanë dashur gjithmonë), pas disfatës në shtëpi me rivalin ndërqytetas, Beshiktas (2-4).
Jesus po kontestohet edhe më shumë për faktin se nuk ka fituar asnjë nga derbit e Stambollit: një barazim dhe tri humbje nga katër të luajtura deri më tani.
Lexo edhe:
- Historike/ Triumf me “poker” ndaj Qipros, Kombëtarja e minifutbollit kualifikohet në Kupën e Botës
- Gjysmëfinalja e Kupës së Italisë, Allegri: Inter ka sulm të fortë, e urrej entuziazmin
- VIDEO/ Gafa e vitit, Romelu Lukaku qesharak, kthehet në “meme”
Shtypi turk bën me dije se trajneri luzian ka planifikuar një takim me presidentin Ali Koç, i cili së shpejti duhet të njoftojë largimin e Jorge Jesus.
Madje mediet turke kanë avancuar në njoftime duke zbuluar edhe emrin e pasuesit: Sergen Yalçin, 50 vjeç, i cili fitoi dy trofe në krye të Beshiktasit në sezonin në 2020-2021.
Fenerbahçe është e dyta në klasifikim, me nëntë pike me pak se Galatasaray, por me një ndeshje më shumë për të luajtur.
