Franca i shkoi shumë pranë fitores në Këln, ndaj Gjermanisë, por skuadra e Low reagoi mirë dhe bëri që sfida të mbyllej në barazim 2-2.
‘Gjelat’ gjetën avantazhin në minutën e 33-të, me anë të sulmuesit të Arsenalit, Laccazette, i cili shfrytëzoi më së miri një asist të Anthony Martial-it.
Gjermania reagoi dhe barazoi rezultatin në minutën e 56’, me anë të Timo Wernerit, por francezët u hodhën sërish në kërkim të golit. Në të 71—tën, ishte sulmuesi i PSG-së Mbappe, që bëri gjithçka mirë dhe asistoi Laccazetten, me sulmuesin e Arsenalit që shënoi golin e dytë personal dhe për Francën.
Gjithsesi, edhe gjermanët nuk u pajtuan me humbjen në shtëpi dhe arritën të barazojnë sërish rezulatin në minutat shtesë, pas golit të shënuar nga Stindl.
Përfundon 2-2, mes spektaklit, ndërsa të fituar duket se dolën tifozët që shijuan një ndeshje të një niveli vërtetë të lartë, e denjë për dy ekipe pretendente.
