Futboll

Nuk ka kthim pas te Franca, Benzema s’do jetë më pjesë e gjelave!

Te Franca nuk do të ketë më kthim më pas në lidhje me Karim Benzema. Çështja e sulmuesit të Realit të Madridit është mbyllur përfundimisht me futbollistin që nuk do të shkelë më në kombëtare. Diçka të tillë e ka konfirmuar edhe njëherë tjetër në një intervistë për mediat presidenti i federatës franceze të futbollit Noel Le Graet. Numri 1 i federatës ka theksuar se Benzema nuk do të rikthehet më në ekipin përfaqësues pasi dyert e Francës janë mbyllur përfundimisht për të. Karim Benzema nuk grumbullohet më nga gjelat që prej vitit 2015 kur u bë publik edhe skandali seksual i Mathieë Valbuena në të cilin ishte i përfshirë sulmuesi i Realit të Madridit. Me Francën Karim Benzema ka zhvilluar në total 81 ndeshje duke realizuar dhe plot 27 gola.

To Top