Bayern Munich pësoi një disfatë të rëndë në Allianz Arena teksa u mposht nga Leipzig me shifrat 1-3. Bavarezët mbajnë ende vendin e parë në kampionat, por nëse Borussia Dortmund fiton dy ndeshjet e fundit të Bundesligas atëherë do të jenë verdhezinjtë kampionët e Gjermanisë dhe do të rrëzonin nga froni pas plot 10 vitesh Bayernin.
Pas humbjes me Leipzig trajneri i Bayernit, Thomas Tuchel u shpreh se skuadra e tij “hoqi dorë” nga loja pas 30 minutash, kur edhe kishin shënuar golin e parë. Ndër të tjera, tekniku i rekordmenëve gjermanë shtoi se nuk ka shpjegim për atë që ndodhi në fushën e Allianz Arena.
Lexo edhe:
- Ballkani zyrtarisht kampion i Kosovës, shpërthen festa në Therandë
- CR7 sërish në një klub europian? Një kompani e bën të mundur dhe ia ofron skuadrës gjermane
- VIDEO/ Dhimbje dhe lot në kryeqytet, skuadra historike bie nga kategoria
- Marca zbulon Uzunin, rrëfimi në 360 gradë i sulmuesit: Përballja me Ronaldon dhe premtimi ndaj vetes!
“E nisëm ndeshjen në mënyrën më të mirë të mundshme, bëmë gjithçka që duhej për të kaluar në avantazh dhe në fakt ia dolëm. Por, pas 30 minutash hoqëm dorë nga loja. Pastaj në pjesën e dytë nuk ishim në fushë. Nuk di t’i jap një shpjegim se si mund të ndodhë një humbje e tillë”, u shpreh Tuchel.
