Connect with us

Hi, what are you looking for?

Premier League

Nuk ka surpriza në Angli, të mëdhatë fitojnë të gjitha

Chelsea triumfoi me rezultatin 2-0 në derbin e Londrës përballë Tottenhamit, një rezultat ky që sjell konfirmimin të paktën përkohësisht të trajnerit italian Maurizio Sarri.

Në sfidën e zhvilluar në “Stamford Bridge” nuk u pa Chelsea i zakonshëm që dominon kontrollin e topit, por një skuadër shumë më cinike, që zbriste shpejt me kundërsulm, duke rrezikuar kuadratin e Lloris.

Megjithatë pjesa e parë përfundoi në barazim pa gola, ndërsa rezultati u zhbllokua në minutën e 57’, me golin e shënuar nga Pedro, pas një asisti nga Azpiliqueta, ndërsa autogoli i Trippier në minutën e 85-të, vulosi edhe triumfin e “bluve”.

Fitore të thellë 5-0 mori Liverpooli në sfidën e zhvilluar në “Anfield Road, përballë Watfordit, në një sfidë ku shënuan dy herë Mane, dy herë Van Dijk dhe një herë Divock Origi.

Edhe Arsenali shkatërroi me goleadë 5-1 skuadrën e Bournemouthit, në një sfidë ku shënuan plot 5 futbollistë të ndryshëm, si Ozil, Koscielny, Aubameyang, Laccazette dhe Mkhitaryan.

Fitore minimale 1-0 mori edhe Manchester City në shtëpi përballë West Hamit, në një sfidë që u vendos nga një gol i shënuar nga Sergio Aguero me 11-metërsh në pjesën e dytë. Ky 3-pikërsh i mjaftoi skuadrës së Guardiolës që të mbajë ritmin e Liverpoolit në renditje, duke u pozicionuar vetëm një pik pas “The reds”.

Ole Gunnar Solskjaer vijon me ecurinë fantastike në stolin e Manchester Unitedit, që pas barazimit pa gola me Liverpoolin, fitoi me rezultatin 1-3 në transfertën ndaj Crystal Palace.

Romelu Lukaku e nisi si titullar këtë sfidë dhe shënoi dopietë sot, ndërsa Ashley Young vulosi fitoren për “Djajtë e kuq”, që nuk kanë humbur asnjë takim në kampionatin anglez, që kur në stol u ul tekniku norvegjez.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...