Real Madrid nuk u mendua gjatë, por pagoi 20 milionë euro për të transferuar në kryeqytetin spanjoll një nga talentët më premtues të futbollit turk, Arda Guler. Fantazisti shkëlqeu me fanellën e Fenerbahces në Superligën turke, e po ashtu edhe me kombëtaren duke bërë që madrilenët të lëviznin shpejt dhe të mposhtnin konkurrencën e Barcelonës.
Në ditët e tij të para si madrilen, Guler ka lënë një përshtypje tejet pozitive tek trajneri Carlo Ancelotti, por edhe tek shokët e skuadrës. Së fundmi, është Toni Kroos ai i cili shprehet se e vlerëson shumë Guler për faktin se turku nuk ka turp të pyesë dhe të kërkojë këshilla nga lojtarët më të vjetër të Real Madrid.
Lexo edhe:
- Futbollistët më të paguar/ Vitet ikin, CR7 nuk bie nga “froni”
- VIDEO/ Dygolësh, asist dhe rekord i veçantë! Messi shkëlqen me Interin
- VIDEO/ Struga mposht Buducnostin, skuadra e Duros niset e avantazhuar javën e ardhshme
- Zyrtare/ Pa skuadër prej 2.5 vitesh, nigeriani firmos me Kukësin
“Duhet theksuar se Guler ka një talent të jashtëzakonshëm për moshën që ka, këmba e tij e majtë është shumë elegante. Dhe, keni për ta parë shpejt këtë në ndeshjet që nap resin gjatë sezonit, është shumë i zoti teknikisht dhe ia del më së miri edhe në zonat më të ngushta. Mendoj se është një goditje e zgjuar nga klubi sidomos për të ardhmen.
Mua më pëlqen shumë sepse është nga ata talentë që nuk kanë turp të pyesin dhe të kërkojnë këshilla. Ka shumë 18-vjeçare që nuk e bëjnë diçka të tillë dhe nuk duan t’ia dinë për këshillat. Guler ka mentalitetin e duhur pasi kërkon të mësojë gjithnjë”, u shpreh Kroos.
