Me 4 sulmues si Lukaku, Lautaro, Sanchez e Pinamonti për të riun Sebastiano Esposito nuk do të ketë hapësira në fushë ndaj dhe 19-vjeçari do të largohet për të luajtur rregullisht. Sulmuesi Italian e ka gjetur ekipin e ri dhe drejtuesit do të plotësojnë dëshirën e tij për ta huazuar te SPAL-I, pikërisht aty ku luan edhe vëllai i tij, mesfushori Salvatore Esposito.
Formula do të jetë huazim për një sezon pa të drejtë blerjeje dhe kjo lëvizje do të bëhet vetëm për të ndihmuar sulmuesin të luajë rregullisht për t’u rritur si lojtar në Serinë B.