Manuel Neuer konfirmoi faktin që do mbajë veshur shiritin e kapitenit me mbishkrimin “One Love” në Botërorin e Katarit. Lideri i kombëtares gjermane, gjatë prononcimit për shtypin, u ndal te nisma e promovimit të diversitetit dhe gjithë përfshirjes.
“Po, do e mbaj shiritin me shkrimin ‘One Love’. Ne kemi mbështetjen e presidentit dhe drejtuesve të Federatës, kështu që nuk kemi aspak frikë”, deklaroi portieri 36-vjeçar, i cili fitoi Kupën e Botës në Botërorin e luajtur në Brazil tetë vite më parë.
Presidenti i Federatës Gjermanë të Futbollit, Bernd Neuendorf deklaroi gjatë ditës së shtunë se është i gatshëm të paguajë çdo gjobë në financiare në lidhje me këtë çështje që kundërshtohet nga organizatorët në Katar.