Reali i Carlo Ancelottit është mësuar me përmbysje rezultatesh. “Vesi” u përsërit edhe ndaj Real Sociedad, ndeshje të cilën “Los Blancos” e fituan 2-1.
Falë dy golave të Federico Valverdes dhe sulmuesit Joselu në pjesën e dytë të sfidës. Me Realin që vijon të kryesojë La Ligan me 15 pikë të plota.
Lexoni edhe:
- Triumfi në derbi/ Vazhdon festa te Inter, Inzaghi u jep lojtarëve një ditë pushim
- FSHF organizon turneun ‘UEFA Development U-15’ për vajza, Shqipëria përballet me Ishujt Faroe, Maltën e Luksemburgun
- Ten Hag nuk e konsideron, Barcelona “hidhet” në sulm për lojtarin e United
- Cagliari-Udinese mbyllet pa fitues, skuadrat ende nuk kanë provuar “shijen” e fitores këtë sezon
Sulmuesi 33-vjeçar, i cili humbi disa raste në fraksionin e parë të takimit, realizoi golin e fitores për Realin e Madridit.
Joselu shfrytëzoi një krosim të Fran Garcias nga e majta, dhe me kokë dërgoi topin në rrjetë dhe tifozët e Carlo Ancelottin në festë.
Trajneri italian, është një fans i madh i Joselut, karakteristikat e të cilit i cilëson të veçanta dhe shumë të domosdoshme për stilin e lojës së skuadrës së tij.
“ Më pëlqen shumë Joselu, ai është një garanci. Është shumë i rëndësishëm për Realin, është i vetmi sulmues që kemi me cilësi të tilla.
Na ka munguar një si Joselu në sezonet e kaluara”, theksoi Ancelotti pas suksesit ndaj skuadrës së baske në “Bernabeu”.
Me fitoren e fundit, 64-vjeçari emilian është kthyer në trajnerin e dytë me më shumë fitore (173) në pankinën e Realit.
VIDEO/ Përmbysja e radhës në kryeqytet, Reali rikthehet në krye
