De Ligt, Ramsey dhe Rabiot janë tre emrat më të bujshëm të afruar te Juventusi gjatë merkatos së verës, pro që të tre këta e nisën nga stoli takimin e djeshëm ndaj Parmës, ku Martusciello preferoi të aktivizojë “gardën e vjetër”.
Megjthatë më i befasuari nga të gjithë për këtë vendim, ka mbetur mbrojtësi 19-vjeçar holandez, i cili në një intervistë për mediat e vendit të tij, deklaroi se nuk e kishte pritur qëndrimin në stol, ndonëse nuk preferoi të bëjë polemikë.
“Nuk e prisja ta nisja nga stoli, pasi gjatë javës në stërvitje nuk kisha arritur të lexoj asgjë në lidhje me formacionin. Trajneri vendosi t’i besojë Bonuccit dhe Cheillinit, ndaj unë duhet të respektoj vendimin dhe të punoj për t’u përmirësuar më shumë”, deklaroi De Ligt.
