Connect with us

Hi, what are you looking for?

Futboll

“Nuk më intereson nëse shënon apo jo, duhet të rikuperosh 4 topa”, sulmuesi: Simeone si Ancelotti

Prej dy vitesh, Kevin Gameiro është rikthyer në vendlindje aty ku aktivizohet në Ligue 1 me skuadrën e Strasbourg. Por, karriera e 36-vjeçarit ka qenë mjaft e pasur dhe ka kaluar në disa etapa të rëndësishme ku një prej tyre ishte edhe Atletico Madrid në vitin 2016.

Sulmuesi qëndroi me Los Colchoneros për dy vite dhe së fundmi zbulon pak nga prapaskenat e trajnerit Diego Simeone. Gameiro shprehet se Simeone nuk është aq i egër saç duket në stol, ndërsa shtoi se kërkon shumë prej futbollistëve madje kërkon pjesëmarrje të sulmuesve në aspektin difensiv.

“Në dhomat e zhveshjes, Simeone është shumë më ndryshe nga sa paraqitet në stol. Është i relaksuar dhe i hapur për bashkëbisedim. Pak a shumë si Ancelotti, i pëlqen t’i lërë të lirë lojtarët. Por, kur është e nevojshme bëhet menjëherë serioz dhe e ngre zërin. I përjeton shumë situatat dhe kërkon vetëm të fitojë.

Mbaj mend gjatë një ndeshje më tha se nuk i interesonte nëse unë shënoja apo jo pavarësisht se isha sulmuesi i skuadrës. Më urdhëroi që t’i rikuperoja të paktën katër topa lojtarit me numër gjashtë të skuadrës kundërshtare. Praktikon një skemë mbrojtëse dhe nuk është e lehtë, sidomos për një sulmues.

Por, gjatë viteve ky sistem ka provuar se është efektiv. U përshtata disi me këtë, por kërkoja diçka ndryshe dhe u largova, por mësova shumë. Më ka pëlqyer Simeone sepse ishte i drejtpërdrejtë, e kam preferuar gjithnjë një trajner të tillë”, u shpreh Gameiro.

 

Lajme të tjera

Euro 2024

Dështimi i radhës i kombëtares angleze ka trishtuar jo pak tifozët e zjarrtë ishullorë. Mes tyre edhe Gary Lineker, ish-sulmuesin historik të “Tre Luanëve”,...

Euro 2024

“Spanja dhuroi spektakël, është një skuadër e jashtëzakonshme me lojtarë të rinj të pabesueshëm. Është një model i pakonkurrueshëm për t’i dhënë vlerë akademisë....

Kosovë

Aventurë e re për Arijanet Muric, portierin titullar të përfaqësueses së Kosovës. 25-vjeçari dardan do të jetë pjesë e Ipswichit në katër sezonet e...

Futboll

Sajti i specializuar “Transfermarkt” ka publikuar një renditje të klubeve europiane, mbi bazën e numrit të tifozëve që ka gjithsecila, teksa shifrat i janë...