Vite më parë ishte një nga talentet më interesantë të futbollit anglez kur luante me Tottenhamin. Por, karriera e Dele Alli vazhdon të shkojë në rënie. 26-vjeçari u huazua gjatë merkatos së verës nga Evertoni te Besiktasi.
Në Turqi ka zhvilluar 15 ndeshje mes kampionatit dhe Kupës së Turqisë, duke realizuar tre gola në total. Së fundmi është zhdukur. Drejtuesit e klubit nga Stambolli i dhanë leje. Por Dele Alli akoma nuk është rikthyer në stërvitje.
Lexo edhe:
- Mehmeti fjalëpak: Kombëtarja një ëndërr, gati të luaj titullar
- Uzuni: Më Sylvinho-n do bëjmë lojë ofensive, kam oferta nga disa kampionate
- Gabimi në finalen e Botërorit, Kolo Muani: E urrej atë çast, por duhet të shoh përpara!
- Buffon: Ju tregoj gabimin më të madh në jetës dhe kur tërhiqem
Trajneri i Besiktasit, Senol Gunes denoncoi “humbjen” e mesfushorit anglez. “I dhamë leje për të pushuar disa ditë, por ai nuk është bërë më i gjallë. Po bie shi në Angli, ky ndoshta është shkaku pse nuk është rikthyer…
Ne po përpiqemi të zbulojmë se ku ndodhet. Ai nuk po u përgjigjet telefonatave tona”, u shpreh i shqetësuar trajneri i njohur turk.
